Daruruwan masu zanga-zanga a yau sun yi zanga-zanga a titunan Kano domin nuna rashin jin dadinsu da yadda gwamnatin jihar ke ci gaba da gudanar da ayyukan rusasshe.
Hausa Channel Labarai ta rawaito Gwamnatin jihar kano ta ruguza wasu gine-gine yayin da wasu da dama kuma aka yi wa alamar rugujewa.
Gwamnati ta tsara matakin da ta dauka ne saboda cewa filin da aka gina gine-ginen “ba bisa ka’ida ba ne” gwamnatin da ta shude ta kebe.
Gine-ginen da tuni aka rusa sun hada da aikin na biliyoyin Naira a tsohon Otel din Daula, da wuraren sayayya a filin Polo da filin Idi, yayin da aka sanya gine-ginen gidaje da na kasuwanci da za a rushe a Unguwar Salanta da hanyar BUK.
Yayin da gwamnati ta dage cewa babu gudu babu ja da baya a shirinta na dawo da tsarin raya biranen Kano, wanda ya hada da cire gine-ginen da aka gina a wuraren jama’a, masu zanga-zangar da suka mamaye tituna a safiyar ranar Litinin sun bukaci gwamnati ta janye matakin da ta dauka.
Da yake jawabi a madadin masu zanga-zangar, Kwamared Zahraddeen Sani Baba na kungiyar hadin kan samar da shugabanci na gari da kawo sauyi, ya ce idan har gwamna mai ci yana da wani abu a kan magajinsa, “Don Allah a kira shi ya amsa tambayoyi maimakon hukunta ‘yan Najeriya da ba su ji ba ba su gani ba da kuma lalata jarin su.
Kalli Video Kaitsaye Anan 👇
